Shillong, Risaw 17
Ki pulit ki la ïoh ban bat noh ïa ar ngut ki briew bad na ka met jong kine, la ïoh ban kurup noh ïa u drok ba la suba ba u lah ban dei u heroin.
Katkum ka khubor kaba la ïoh na ki pulit la ong ba ha ka 15 tarik mynta u bnai, hadien ka jingïoh ïa ka jingtip kaba bniah, ki pulit ki la bat noh ïa kawei ka arshaka kaba don ïa u registration number ML09-A-0956 ba la shong da ar ngut ki briew.
La ong ba kine ki briew kiba la shah bat ryngkat ka arshaka, ki dei kiba la tip kyrteng kum u Nigam A Sangma (27 snem) bad ka Dellina Ch Sangma (32 snem) bad la ïoh bat ïa kine ha Monabari kaba ha South West Garo Hills bad la ïoh kurup drok na ki, uba khia kumba 0.32 gram.
