Nongpoh, Nailur 08
Ha kawei ka jingjia ha ka step jong ka sngi Ba-ar, ka ïing jong ka Kong Bijenti Basaiawmoit kaba don ha Umran, Ri Bhoi District kala kem ding kynsan kat haduh ba kala ingkhong khaid bad duh lut ïa ki tiar ki tar bad ki jingdon jingem baroh.
Katkum ka khubor ba la ïoh lum, la ïathuh ba katei ka jingjia ka dei ha ka por kumba 4 baje eiei mynstep bad hapoh katei ka ïing, u la don uwei u khun shynrang uba dang ïohthiah bad uba la kyndit hadien ba ki thylliej ding kila ïoh ban bam marshiteng jong ka ïng bad lait thaw na ka jingjia ba sngewsih hadien ba u la ïoh ban kynthih na jingkhang ït.
Na ka liang ki para marjan kiba la ïohi ïa kane ka jingjia, ki la pyrshang ban leit ïarap ban tem ïa ka jingklang jong ka ding, hynrei ki khlem lah leh eiei shuh tad haduh ka jingwan poi jong ka kali ki pulit pynlip ding na ka Fire & Emergency Services.
Kumba long mynta, ka daw tynrai jong ka jingkem ding kynsan kane ka ïing ym pat lah satia ban tip thikna, hynrei la shu antad ba lehse ka dei na ka jingthud ka bording ilektrik.
