Shillong, Risaw 17
Ki pulit ka Eastern West Khasi Hills District ki la ïoh ban kem noh ïa ki briew kiba la kynnoh donkti ha ka ban tuh ïa ki jingri na ka shnong Lawbyrtun kaba hap hapoh kane ka district.
Katkum ka khubor kaba la ïoh lum na ki pulit la ong ba ka la don ka case kaba la register pyrshah ïa uwei u Plandar Maram Umiong (49 snem) bad u Phastar Rngaid (26 snem) lem bad ar ngut ki paralok jong ki, kata hadien ka jingujor na ki hynriew ngut ki jingujor bapher bapher pyrshah ïa kitei ki briew.
Ka khubor pulit ka la ïathuh ba ka jingshah ujor jong kine ki briew ka la dei halor ka jingkynnoh ba ki la donkti ban tuh ïa ki jingri ha u bnai Kyllalyngkot, Ïaïong, Jymmang, Naitung, Nailur bad Risaw, 2024 na ka shnong Lawbyrtun. Na ka liang ki pulit ki la ïoh ban kem noh ïa kitei ki briew kiba la jer kyrteng bad ban pynlong ka jingtohkit.
