Shillong, Risaw:
Ka la long ka lad ka kabu na ka bynta ki nongshong shnong khamtam ha kaba ïadei bad ki lad ïohkam ïohjam da ka jingplie paidbah ïa ka Megha Automotive LLP, Tata Motors workshop ha ka 7 tarik, Risaw, 2024 ha Urksew, Wahpathaw, Pynursla.
Ha kane ka sngi plie la ïadonlang ki Director kiba kynthup ïa u Charles Pyngrope, Rohit Agarwal bad u Rahul Agarwal. Nalor kine la ïadonlang ruh u Ranvir Kanwar uba long u Zonal Manager (East) Trucks & Busses, Tata Motors Ltd, u Mukul Manish uba ong u Regional Manager, North East, Tata Motors Ltd, u Ashim Chakraborty u Area Manager, ILMCV, Tata Motors Ltd, Herin Singh Khongngai uba long u Sordar shnong, Arshalson Lyngdoh-Rangbah shnong, Subrata Barua-Vice President, Arlangki Nongrum-Works Manager bad Ladia Sharma-Territory Sales Manager.
Ha kane ka workshop, kin maramot ïa baroh ki kali Tata kit mar lane Commercial, bad lah ruh ban ïoh lane Order baroh ki Spare Parts jong baroh ki kali Tata. Kane ka workshop kan long ruh kawei na ki lad ban ai kam ai jam ïa ki briew kane ka thaiñ kiba la don lypa ka sap ban shna kali.
