Shillong, Risaw:
Ka St. Dominic Higher Secondary School Mawkyndeng ha ka 18 tarik Risaw 2024 ka la pynlong ïa ka Parents Teachers’ Meeting kaba ishongsun bha haduh katta katta. Ha kane ka sngi la sdang shuwa da ki prokram ban leh burom ïa ki kmie ki kpa. Ha kane ka prokram la ïashim bynta da ka Music Club ha ka jingïalam jong i Sir Ioanis Shylla bad ka jingshad tynrai na ka klas VIII, na ki Class Teacher.
Ha kane ka sngi la ïoh ban ïashim bynta lang da u Rev. Fr Richard Louis Rapthap u Principal, u Fr Henrie Warbah u Vice Principal, Sister Merciful Nongsiej i Sister in- charge, ki nonghikai (teaching and non teaching staff) baroh. La pynïaid beit pynïaid ryntih ïa ka program da i Sir Jonatus Suchiang, Class Teacher jong ka klas XII ha kajuh ka por i long u Chairman jong ka School Teachers Committee.
Na ka liang jong ki nonghikai la kren sngew tynnad da i Sir Ioanis Shylla bad ka jingkren jong i ka la long ka jingktah ïa ka jingpyrkhat jong baroh ki kmie ki kpa na ka bynta la ki khun ki kti. La shim bynta da 450 ngut ki longkmie bad katto katne ngut ki long kpa. Ka PTM ka la wan rah kum ka jingïatreilang, ka jingai jingmut bad ka jingnoh synñiang ha bun ki liang.
Ka St Dominic Higher Secondary School Mawkyndeng ka pynpaw ka jingsngewnguh ïa baroh ki kmie ki kpa kiba la wan ïashim bynta da ka jingshit rhem bad ka jingsngew khia na ka bynta ka jingkiew la ka skul. La pynwai ïa ka jingïakynduhlang da ka jingïa dihsha.
