Shillong, Risaw 21
Ka Kur Wahlang ha ka 11 tarik Risaw, 2024 ka la pynlong ïa ka Dorbar Bah kaba XVI ha Community Hall, Mission Compound, Shillong, kaba la wan ïashim bynta da ki para Kur na ka bri u Hynñiewtrep. Ha kane ka sngi la pynsngew ïa ki jingtrei kam jong ka seng na ka bynta u snem 2023-2024.
Ha kane ka sngi la ïoh ruh ka jingkren na ki nongmihkhmat jong ki jylli kiba la ïa poi sha kane ka dorbar. La ïoh ruh ïa ka jingrwai kyrpang na ka Seng Samla ka Kur. Ka jingpoi jong ki Kur sha ka Dorbar ka long kaba shitrhem ha kaba ki Kur najan bad najngai ki la ïa poi ryntih.
Kiwei pat ki kam ba la pyndep ka long ka jingjied ïa ki nongkitkam thymmai jong ka Seng Kur na ka bynta ka samoi treikam 2024-2026. Kine ki long u Bah River O Wahlang kum u President, Bah Pynshngain Roy Wahlang bad Bah Primrose Wahlang kum ki Vice President, Bah R Willie Wahlang, General Secretary, Bah Banspain Kupar Wahlang bad Bah Micheal Wahlang kum ki Joint Secretary, Kong Darity Wahlang kum ka Treasurer, Kong Angelle Wahlang kum ka Finance Secretary, Bah Phom Wahlang kum u Organizing Secretary, Bah Mutbhalang Wahlang bad Bah Roland Wahlang kum ki Assistant Organizing Secretary, Bah Maitshaphrang Wahlang kum u Publicity Secretary, Kong Mary Nongkynti Wahlang kum ka Social & Cultural Secretary, Kong Balari Wahlang kum ka Assistant Social & Cultural Secretary, Kong Ibapalei Wahlang kum ka Education Secretary, Kong Phira Wahlang bad Bah Banrikupar Wahlang kum ki Assistant Education Secretary, Office Secretary Kong Sara Wahlang bad Rev HB Wahlang kum ki Statistician.
La jied ruh ïa u Bah HB Wahlang, Rev Dimosen Wahlang bad Bah Choland Wahlang kum ki Adviser bad Kong Margareth Wahlang kum ka Auditor, bad san ngut ki Nongmihkhmat na ki jylli sha ka Executive Committee kaba kynthup ïa u Chairman bad Secretary na man ki jylli.
Ka Seng Kur Wahlang ka don ka jingkitkhlieh na ka bynta ki para ki pyrsa samla kiba long ka lawei jong ka Kur bad ka Jaidbynriew. Kumta ka khot bad pynshlur ïa ki samla ba kin kiar horkit hordang na ki jingsniew ka juk mynta, bad ba kin ïa beh shaphrang ban long ki nongjop ha ka pule-dangle, bad kiwei kiwei ki lad ki lynti ban pynkhraw ïalade, ïa ka Kur bad ïa ka jaidbynriew.
Ha kane ka sngi, ka la don ruh ka jingai khusnam ïa kito kiba wan shakhmat ha ki jingïalehkai sport bad ki samla na ka Kur kiba la pass bha ha ki eksamin jong ki.
