Shillong, Risaw:
Ka Tata AIA Life Insurance (Tata AIA), kaba long kawei na ki shnat ai jingshakri kaba paw ha ka ri ha kaba ïadei bad ka jingai Life Insurance ha ka sorkar Nagaland ban pynïaid ïa ka Chief Minister’s Universal Life Insurance Scheme (CMULIS). Lyngba kane ka skhim, ki nongkamai ba kongsan jong ka ïing kin ïoh ïa ka Life Insurance kaba 2 lak tyngka.
Ka jingthmu jong kane ka skhim ka long ban ai jingkyrshan pisa ïa ka longïing kaba ki donkam lada don ka jingkhlad noh jong u ne ka nongkamai ha ïing. Ka jingthmu ba kyrpang ka long ban ïarap ïa kito kiba duna ha ka ïoh ka kot ha ka imlang-sahlang.
Kum shi bynta jong kane ka skhim, uwei ne kawei dkhot jong ka longïing kiba naduh ka rta 18-60 snem la lah ban long ki nongkamai ba kongsan jong ka ïing. Haba kren shaphang kane, u Shri Neiphiu Rio, u Myntri Rangbah ka jylla Nagaland, u ong, “Nga sngewkmen ban ïatreilang bad ka TATA AIA Life Insurance bad pyllait paidbah ïa kane ka skhim na ka bynta ki nongshong shnong kiba trei ba ktah jong ka Nagaland. Lyngba kane ka prokram, ngi la lah ban pynïoh ïa ka Life Insurance sha ki briew ka Nagaland. Ngi kyrmen ban pynrung ïa baroh ki nongshong shnong kiba kamai kajih jong ka Nagaland hapoh kane ka skhim, khnang ba yn lah ban pyntikna ïa ka jingshngaiñ jong ki longïing-longsem ha ka liang ka jingdon ïa ka pisa tyngka. “
