Shillong, Risaw 21
Na ka liang ka kompani kaba pyntrei ïa ka surok 4-Lane naduh Hynñiew-mer shaduh jingkieng Umshyrpi ka la ïoh ban shna shwa ïa ka kynroh kaba don ha lad Lummawbah.
Ka jingtei shwa ïa kane ka kynroh ka dei namar ka jingdon ka riat sharum kaba ïaid lyngba ka Umshyrpi khnang ban skhem ka surok ynda ki la shna ban pynïaryngkat bad ka jingkieng ha Umshyrpi.
Ïa ka surok four-lane la pynïaid shaid-shaid ïa ka kam na Baniuñ hajan ka Pomlum PHC, nangta la sdang ban kynroh ruh hajan ki diengkseh kaba don ha Hynñiewmer kaba don ka jaka treikam ki shipai suiñ.
La ïohi ba ha shi lynter ka surok naduh Hynriewmer, sanmer, sawmer ka jingshna ïa ka surok ka la ïaid shwa shiliang khnang ban ym ktah ïa ki kali kiba leit ba wan.
Katba ïa ka surok na Sawmer kaba don ka madan phutbol la pynïaid noh na khlaw jong ka tnad Khlaw ban kiar na Laimer shiteng shaduh Laimer kaba don ka jaka die soh.
Nangne la bteng biang ban ïaid ïa ka surok shipai 101 shaduh Lad Lummawbah.
Namar ka jingbun ki kali kiba leit kiba wan na West Khasi Hills, East Khasi Hills, South West Khasi Hills District, Eastern West District ka jingshna ïa ka surok ka la kham suki namar ki nongtrei ki hap shna ïa ka surok khnang ban ym pynthut ïa ka ïaid ka ïeng jong ki paidbah haba ki wan sha Shillong.
