Shillong, Risaw:
Ha ka sngi plie jong ka India Mobile Congress (IMC) 2024, ka shnat ai jingshakri ba pawnam ha ka liang ki kam Telecom ka Vi ka la pyni kumno ba la pyndonkam ïa ki Technologi kiba kham shalor shuh shuh ka jingbha kum ka 5G bad ka IoT ban pynkylla dur ïa kane ka karkhana bad nang pynjanai ïa ka jingpyndonkam ba man ka sngi.
Ka mat pdeng jong ka IMC mynta u snem ka long ‘The Future is Now’ ka ïadei bad ka jingtreikam jong ka Vi ban wanrah ki lad jingïarap kiba kloi bad kumjuh ban don ki lad ki lynti kiba la leh lyngba ki kor ki bor teknologi khnang ba yn lah ban weng ïa ki jingeh ha kine ki sngi bad la saiñdur ïa ki ba kin long kiba lah ban wanrah ïa ka jingkylla kaba kloi. Kawei na ki jingpyni jong ka Vi kaba ka matpdeng ka long ‘Future is Live’ ka la pynshai ïa ka rukom ba kumno ka la pynkylla ïa ka rukom im jong ki briew bad ka khaïi pateng, ki rukom treikam, bad ka jingïadei bad ki technologi ba har rukom.
Ki jaka treikam kiba rit bad kiba kham heh ki don ïa ka bynta ba kongsan na ka bynta ban kyntiew ïa ka ïoh ka kot jong ka ri, tangba, bun na ki kim ïoh lad ban pyndonkam ïa ki tiar Digital ban pynsted ïa ka jingkiew jong ka kam khaïi pateng jong ki. U Akshaya Moondra, CEO, Vi, u ong, “Ha ka Vi, ngi pyrshang katba lah ban nang pynkhlaiñ ïa ka bor jong ka jingpynïasoh khnang ba yn lah ban pynkylla dur ïa ki karkhana bad ïarap ïa ka jingim jong ki briew. Ka lad jingïarap jong ngi ba ngin la pyni paidbah ha ka IMC ki long kiba la shna kyrpang khnang ba yn lah ban wanrah ka jingkylla ha ka pyrthei bad ka pyni ïa ka jingtrei ba radbah jong ngi ban wanrah ïa ka lawei mynta da kaba thaw ïa ki lad kiba lah ban pynïasoh khambha, bad pynlong ïa kane ka pyrthei kaba biang lut ïa baroh.”
