Shillong, Risaw 24
Kawei ka ‘travel app’ ba pawnam dang shen ka la pynbna ba ka sor Shillong kaba dei ka nongbah jong ka Meghalaya ka la tam ha ka jingbun ki nongshang kai ban ïa ka Baku, ka nongbah ba pawnam jong ka Azerbaijan. La ong ruh ba ka Shillong kan long kaba bun tam ki nongwan shang kai kiba na ri India ha u snem 2025.
Ka sor Shillong ka dei tang ma ka napdeng ki sor ha India, kaba la mih ha ka thup jong ka kaiphot ba shisien shisnem kaba la pynmih ha ka Sngi Balang.
Katkum ka jingwad jingtip, la ong ba 66 percent ki nong India kiba kwah ban wan shang kai sha Shillong ha u snem ban wan. Ka sor Shillong kaba la tip ruh da ka “Scotland of the East”, ha India ka don ha ka kyrdan ba halor duh ha ka thup jong ki jaka ba hui-hui ki nongwan shang kai, bud pat sa ka Baku, Azerbaijan, bad ka Langkawi, Malaysia.
Ka kaiphot kaba la shim na ki 1,000 ngut ki nong India ka pynpaw ba ki nong India ki la nang bun kiba kwah ban tip ïa ki jaka ba kham phylla, kum ïa ka Tromso ha Norway, ka Tashkent ha Uzbekistan, bad ka al-Ula ha Saudi Arabia.
