Shillong, Risaw:
Ka Brahmaputra Valley Film Festival (BVFF) ka la pynbna ban pynlong ïa ka lympung ha ka sien kaba 9 ka ban sdang naduh ka 5 tarik haduh 8 tarik Nohprah 2024, ha Jyoti Chitraban Film Studio ha Kahilipara, Guwahati. Mynta u snem kane ka tamasa kan pyni ïa ki phlim ba bun jait, kiba don ïa ki khana kiba don jingmut bha na ka thaiñ Shatei-lam-Mihngi bad kiwei.
Palat 220 tylli ki phlim kiba la phah ïa ki phlim jong ki mynta u snem, kane ka tamasa mynta u snem kan pyni ïa bun jait ki phlim kynthup ïa kito kiba ïakob ïa ka nam job bad kumjuh ïa kito ki bym ïakob bad kine ki phlim ki dei ha ki bynta bapher bapher kynthup ïa ki phlim, ki Feature Film, Documentaries, bad ki phlim lyngkot.
Ka Tanushree Hazarika, Director jong ka Brahmaputra Valley Film Festival, ka la ong, “Ngi sngewkmen ban pynbna ba ka sien ba 9 jong ka Brahmaputra Valley Film Festival kan long ha ka 5, 6, 7, bad 8 tarik Nohprah 2024 ha Jyoti Chitraban ha Guwahati. Mynta u snem ngi sarong ban wanrah ïa ki jait phlim kiba pyni ïa ka mynsiem jong ka thaiñ bad kiei kiei kiba ïadei bad ka pyrthei. Ngi khot sngewbha ïa baroh ban ïa shim bynta lem bad ngi ha kine ki saw sngi, ha kaba man la ki khana ba ngi ïasam bad man ka jingthmu ba ngi pynpaw kan pyn ïajan ïa ngi kum ka imlang-sahlang”.
