Shillong, Risaw:
Ban nang kyntiew shuh shuh ïa ka nam jong ka ha ka jingpynmih ïa ki kali ha ka rukom shna ba la leh da ki buit thymmai bad kaba phai khmat sha ka jingdonkam jong ki nongthied, ka ka Toyota Kirloskar Motor (TKM) ka la pynmih ïa ka Urban Cruiser Hyryder ‘Festival Limited Edition’, kaba don ïa ki jingpyndait ne ki tiar ki tar kiba bha bad ba la shna kyrpang ba la tip kum ki Toyota Genuine Accessories (TGA) Package. Kane ka jingpynmih bathymmai jong ka Urban Cruiser Hyryder ka wan bad ki 13 tylli ki TGA khnang ba yn nang kham pynitynnad bad pynïoh ïa ka jingñiah kaba bha tam.
Nalor ka jingmih jong ka banyngkong ha u 2022, ka Urban Cruiser Hyryder ka la long ka kali kaba ki briew kylleng ka ri ki ïa sngewtynnad, khamtam ïa ka jingdon jong ki teknologi ba pher bad bathymmai, ka jingtreikam ba pura, bad ka jingbam umphniang kaba khyndiat. Ka Urban Cruiser Hyryder Festival Limited Edition ka don ïa shibun ki jingtyrwa kiba bun jait bad ki long ruh kiba bha ïa kiba la tip kum ki TGA, ïa kaba la shna pynwandur ba kin nang kham pynitynnad shuh shuh ïa ka kali bad nang kham pynsuk shuh shuh ïa ki nongshong. Kane ka song kaba don 13 tylli ki jingpynitynnad kali ka dei kaba lah jied kyrpang na bynta ban nang pynjanai ïa ka dur ba shabar bad ba shapoh jong ka kali. Haba ai jingkren shaphang kane ka jingpynmih thymmai, u Sabari Manohar – Vice President, Sales-Service-Used Car Business, Toyota Kirloskar Motor, u ong, “Shuh shuh mynta ka aïom lehkmen, ka Urban Cruiser Hyryder Festival Limited Edition ka wan bad ki song ba lah buh khnang na ka bynta ban ai jingkmen sha ki nongthied jong ngi.”
