Shillong, Risaw 25
Kine hynriew ngut kiba la thep kyrteng haduh ka sngi kut jong ka jingthep kyrteng ki long ka kurim u Myntri Rangbah ka Dr. Mehtab Chandee A Sangma kum ka kyrtong ka National People’s Party (NPP), u Jingjang M Marak kum kyrtong ka Indian National Congress, ka Sadhiarani Sangma kyrtong jong ka All India Trinamool Congress (AITC), nalor u Bernard N Marak kum u kyrtong ka BJP.
Ka sngi ban thep kyrteng ka la poi sha ka bakut ha ka Sngi Thohdieng na ka bynta ka ilekshon shiteng samoi ha Gambegre konstitwensi bad ki kyrtong kiba la thep kyrteng baroh ki long hynriew ngut.
Ar ngut ki kiwei pat kiba la thep kyrteng kum ki kyrtong shimet ki long u Sengkrabirth M Marak bad Jerry A Sangma kiba la dep thep kyrteng ban ïakhun.
Ka jingkhmih bniah ïa ki kot ki sla jong ki kyrtong kan long ha k 28 tarik mynta u bnai, bad ka sngi khatduh ban weng noh ki kyrtong na ka jingkhun kan dei ha ka 30 tarik, Risaw.
Ka jingthep vote ha Gambegre kan long ha ka 13 tarik Naiwieng bad ka jingñiew vote ha ka 23 tarik Naiwieng.
