Khliehriat, Risaw 27
Ka kynhun treimon sngewbha ka thaiñ East Jaiñtia Hills ba la tip kum ‘Ka Sur U Paidbah, East Jaiñtia Hills District (KSUP-EJHD)’ ka la leit ban pynpaw ka jingsngwlem bad ai jingïarap ïa ka longiing kaba la ngat ha ka apot na ka jingduh noh ïa ka ïing kaba ki shong ki sah na ka jingpluh ka ïing.
Kane ka jingjia pluh ïing ka la jia ha ka 13 tarik u Risaw.
Kane ka kynhun ba la ïalam da ki 2 ngut ki ‘Advisor’ kiba kynthup ïa u Bah Kerlang Ksoo (Advocate) bad u Bah Justine Dkhar, MLA barim ka 6-Khliehriat konstitwensi ha ryngkat ka jingdonlang u Bah Deibormi Syad kum u Vice-Chairman ki la leit ban ai jingïarap sha katei ka longïing kaba la mad ïa katei ka jingjia ba sngwsih kaba la jia ha ka 24 tarik u Risaw 2024 ha ka shnong Deiñshalalu da ka pisa T.27,020/-.
Ïa katei ka pisa ba la ai sha katei ka longïing la synñiang lang da ki dkhot jong kane ka kynhun ha kaba la ïadonlang ruh u Bah Mewan Dkhar, Waheh Shnong barim ka Deiñshalalu.
Hashuwa ban ai ïa katei ka jingïarap, la pynlong ïa ka jingïalang kaba lyngkot ïa kaba la pynïaid da u Bah Deibor Syad bad la ïoh ruh ïa ka jingkren ai mynsiem na ka bynta katei ka longïing na u Bah K. Ksoo, Bah J. Dkhar bad Bah M. Dkhar.
