Shillong Risaw 27
Ka Ïingbishar Meghalaya High Court ka la bthah lyngba u Amicus Curiae ban lum ïa ki Majistor ne Deputy Commissioner jong baroh 12 tylli ki district ban ïakren halor ka phang kaba ïadei bad ka jaka thang ïa kiba la khlad kiba don ha ka niam tynrai ha Khasi Jaiñtia bad Hindu khnang ban sngewthuh la ki pdiang ne em lada pyndonkam lang ïa kajuh ka jaka thang haba leit onthang hynrei kan shu ïapher tang ka por leit onthang.
Ïa kane ka jingbthah la pynmih ha ka sngi Thohdieng da ka Ïingbishar lyngba u Chief Justice, IP Mukerji bad Justice, W Diengdoh haba bishar ïa ka mukotduma (PIL) kaba la mudui da ka Seng Khasi Hima Mawsynram.
Ka Ïingbishar ka la ong ruh ba donkam ruh ban leh ka jingwad jingtip kaba kham bniah bad ai jingkheiñ ïa ki jaka ha ki district kiba ym don jaka thang hapoh 10 km.
Ka Ïingbishar ka la bynshet ha u Amicus Curiae ban pyni ka kaiphod ha ka 28 tarik Rymphang 2025 bad ka sngi ban shim bishar biang la buh ha ka 4 tarik Lber, 2025.
