Shillong, Nailar 20
Ki pulit ka East Khasi Hills District ha ka 20 tarik u Nailar 2026, ki la rah ïa ki 3 ngut ki nongïalam ba hakhmat ka Khasi Students’ Union (KSU) sengkmie, sha District and Session Court, hadien ka jingshah kem na ka ophis ka seng kaba don ha Jaiaw.
Ka jingshahkem ki 3 ngut ki nongïalam ka KSU, kadei ba la mih ka jingkulmar ha ka por ba ka KSU, ka la pynlong ka jingïaid paidbah da ki arshaka ha Shillong, kum ka dak ban pyrshah ïa ka Sorkar Jylla hakor kiba bun ki mat jingdawa, kiba kam shym la pat pynurlong.
Ki nongïalam ba la shah kem ki kynthup, ïa u Samla Raymond Kharjana, President, Samla Reuben Najiar General Secretary bad u Samla Pynkmen Sanmiet, Vice President.
Ka Ïingkashari District & Session, ka la hukum ban phah set 14 sngi ha ka Judicial Custody ïa ki lai ngut ki nongïalam ka Khasi Students’ Union (KSU).
Haba pyrshang ban ïakren bad u Samla Reuben Najiar u la ong “Baroh kane ka jingshah kem ki nongïalam KSU, kadei tang ka jingpharep”.
U la kynnoh ruh ba ka jingkem ïa ki nongïalam, kadei ka jingthmu ka Sorkar ban pynjah ïa ki mat jingdawa ka KSU.
