Nongpoh, Nailar 20
Artylli ki kali Bolero jong ka Sorkar bad kawei ka arshaka, kila shah wiang ding ha ki runar ki bym lah satia ban tip ki dei kiei, kaba la jia ha ka por kumba 2 baje eiei jong ka step synñia ka sngi Palei ha Ri-Bhoi District.
Ha kane ka jingjia, kawei ka Bolero kaba don ïa u number ML01-4464 lem bad ka arshaka kaba don ïa u number ML10-C-7459, ki la ingkhong lut khait, katba kawei pat ka Bolero kaba don ïa u number ML01-5359 kala shu julor malu mala hadien ka jingpoi kloi ki pulit pynlip ding kiba la lah ban tehlakam noh ïa ka ding kaba klang.
Baroh kitei ki kali ki dei kiba la pynïeng ha phyllaw jong ka ophis u Executive Engineer ka tnad Water Resources kaba don ha ka shnong Saiden.
Na ka liang ki pulit ka Ri Bhoi ki dang pynlong ïa ka jingtohkit halor kane ka jingshah wiang ding jong kitei ki kali bad ruh ban thwet ïa ki runar kiba donkti.
Ki Pulit kila register case halor kane ka jingjia bad ka jingtohkit mynta kala ïaid shakhmat.
