Nongstoiñ, Risaw 31
Ka All Meghalaya SSA School Teachers’ Association (AMSSATA-CB) ka khot ka wer ïa ki hynmen-para Nonghikai SSA ba hap hapoh u pud u sam jong ka West Khasi Hills ban pyllait por bad wan ïashim bynta sha ka jingïalang jong ka district ïa kaba la pynbeit ban long ha ka 1 tarik Naiwieng, 2024 ha ka por 11 baje mynstep, ha Lowingwel Secondary School, New Nongstoiñ (mar shiliang surok Station Taxi Civil).
Ha ka kyrwoh khubor ba la phah da u Babu Shembor Langrin, Publicity Secretary AMSSATA-CB u la ong, ha katei ka sngi, ki nongïalam jong ka Sengkmie kin wan ban pynshai ïa ki mat bapher-bapher ba kynthup ka jingshong kyllaiñ mungor khlem buh por, ka jingkular jong ka Sorkar halor ka jingdawa kyntiew tulop.
U Babu Shembor u la ong ruh nalor kitei ki mat, kiwei ki mat ban pynshai ki long ka jingpynsangeh shipor ïa ka jingïakhih, lano ka Sorkar kan pynurlong ïa ka enhancement, ka jingbteng biang ïa ka jingïakhih ba kham jur lada ka Sorkar ka kylla katkum ka jingïakut.
Nangta, ka hamsaïa bad pyntieng kohtympan ba ka Project SSA kan kut ha ka 31-03-2026, ka jingpynskhem kam bad ka jingpynjlan snem thep kam bad kiwei-kiwei.
