Khliehriat, Naiwieng 04
U President ka Voice of the People Party (VPP), Bah Ardent Miller Basaiawmoit, u la pynbna paidbah ïa ka Kong Deiwi Tongper kum ka kyrtong ka VPP na Narpuh Konsti-twensi sha ka ilekshon MDC jong ka Jaiñtia Hills Autono-mous District Council (JHADC).
U Bah Ardent u la pynbna ïa kane ha ka 2 tarik Naiwieng ha ka jingïalang ai khublei ïa ki paidbah kaba long ha ka shnong Umkiang bad u la pyntip ba ïa kiwei ki kyrtong yn sa pynbna hadien ba pynskhem da ka State Election Committee jong ka VPP.
U la ong ruh ba ka seng ka la bishar bniah bad rai ban pynskhem ïa ka Deiwi hadien ba ki la ïohi ïa ka jingkitkhlieh ba ka don ban shakri paidbah.
“Ngi sngewdei ban sei ïa kane ka longkmie, namar ba ka VPP ka ïoh bha ïa ka jingkyrshan ki longkmie, kumta kumba phi ai jingkyrshan ïa ka VPP ha ka MP, kumta ruh phin pynjop ïa ka namar ba ka dei ka briew kaba satar ha ka jingtrei paidbah,” la ong u Bah Ardent.
