Shillong, Naiwieng 04
Uwei u briew uba la leh mynleh kum u nongmihkhmat jong kawei ka homestay, u la thok pisa da ki hajar tyngka ïa ki ar ngut nongjngohkai pyrthei.
Katkum ka khubor kaba la ïoh na ki pulit la ong ba uwei u nongshong shnong jong kawei ka dong ha nongbah Shillong u la ujor ba uwei u briew bym lah ban ithuh uba la leh mynleh kum u nongmihkhmat jong ka Lower New Colony Mid Pine Homestay, Laitumkhrah, Shillong bad ruh ban buh ïa u phone number ha ka Google site jong katei ka homestay, u la thok pisa ïa ki ar ngut nongjngohkai pyrthei kata T.2000 bad T.2500. Ha kaba ïadei bad kane, ki pulit hadien ba la ïoh ka jingujor, mynta ki dang pynlong ka jingtohkit ban lap ïa ka tynrai bad thwet ïa ki briew kiba donkti ha kane ka kam thok kam shukor.
