Shillong, Naiwieng:
Wat haba ka sorkar ka la pynkynriah por ban pynlong ïa ka jingïalang bad ki Pharmacist, la thaw ïa ka kynhun jong ki ba la tip kum ka All Meghalaya Pharmacist Association (AMPA).
Hadien ka jingïakynduh bad ka Dr. Ampareen ka Myntri sorkar, na ka liang ki Pharmacist ki la pynpaw ïa ka jingsngewtynnad halor ka jingbthah jong ka ba kan sa khot da ka jingïalang ryngkat ka sorkar ha ka 28 tarik, Risaw, 2024 hynrei la pynkynriah noh ha kaba ka jingïalang kumba la buh kam long shuh.
Kumta da kawei ka sur ki Pharmacist ki la thaw noh da ka Synjuk ha ka 28 tarik, Risaw, 2024, ba la tip kum ka All Meghalaya Pharmacist Association (AMPA). Ki nongkitkam jong kane ka Synjuk kum ka Adhoc body ki kynthup, ïa u President- Englebert Rynjah, Vice-President-Nicky B. Lawal, Secretary-Weshall Suting, Asst Secretary-Ilaweibaphyrnai Myrthong, Organizing Secretary-Kmenbok Marshiangbai, Asst Organizing Secretary-Gladia R Dkhar, Publicity Secretary-Diba Khonglein, Asst Publicity Secretary-Demistarfull Pariong, Spoke Person-Emosjohn Syiemlieh bad Treasurer-Protar Colin.
