Shillong, Naiwieng 10
Ka Jaintia Students Union (JSU) Sengkmie hapoh ka jingïalam jong u President ka seng ka la pynthymmai bad pynskhem ïa ki nongkitkam ba thymmai jong ka JSU Narpuh Circle kaba long ha ka sngi Saitjaiñ ha ka shnong Mynkre ha East Jaintia Hills.
Ïa ka jingïalang ba lyngkot la pynïaid da u Ryngkatbor Diengdoh, Disciplinary Secratary ka Sengkmie, bad la ïoh ïa ki kyntien sneng na u President barim ka seng uba long ruh ha kajuh ka por u Adviser ka seng u Elnathan Pale, ki jingkren lyngkot na u Livingson Sama (President Khliehriat Circle), bad ruh na u Tricky Mukhim (Finance Secretary Sengkmie).
U President ka JSU Sengkmie haba ai jingkren, u la pynpaw ïa ki nongrim kiba kum ka seng ka ïeng bad ha kajuh ka por u la ban jur ha kaba ïadei bad ka jingdonkam ban don ïa ka jingïatylli ki dkhot ka seng kiba don ha kylleng ka ri Jaintia.
Ha kajuh ka por u la pynbam smai bad pynskhem ïa ki nongïalam ba thymmai jong ka Narpuh Circle bad u kitbok kitwriang ïa ki, ba kin trei shitom ïa ka kam jong ka jaidbynriew. La ïoh ruh ïa ka jingkren na ki nongïalam ba thymmai ka Circle bad pynkut ïa ka jingïalang da u Andy Sumer (Office Secretary ka Sengkmie).
Ki nongïalam ba thymmai jong ka Narpuh Circle ki long President Franky Lamare, Vice – President Mac Merald Suting, General Secretary Cherimiki War, Assistant General Secretary Firose Siangshai, Organising Secretary Leborious Pohshna, Publicity Secretary Fighting Pajuh, Sport Secretary Lastborn Lamare, Education Secretary Deibormi Mynthoi, Finance Secretary Heimonmi Tariang bad 10 ngut ki dkhot ka Executive Committee.
