Shillong, Naiwieng 10
Ki nongïalam ka Jaiñtia Students’ Union (JSU) Sengkmie ha ka 8 tarik u Naiwieng 2024, ki la leit ban hiar shapoh ka Skulbah North-Eastern Hill University(NEHU) ban pynpaw ïa ka jingai jingkyrshan ïa ki samla pule katei ka Skulbah kiba la pynlong ïa ka jingshong shah thngan kaba khlem buhpor na ka bynta ban dawa hiar shuki ïa u Vice-Chancellor ka Skulbah, u Prof. Prabha Shankar Shukla halor ka jingdonkti jong u ban thungkam be-aiñ ïa u Registrar, Deputy Registrar nalor kiwei-kiwei ki ophisar hapoh ka Skulbah wat hapdeng ka jingbym don jong ki ïa ka jinglah bad ka jingtbit ban trei ha ka kam.
Na ka liang ka seng ka pynpaw ba ka ai ïa ka jingkyrshan kaba pura ïa kine ki samla pule kiba shong ïakhih ha ryngkat ka jingkitbok-kitriang ba kin ïoh ïa ka met ka phad kaba shait-ba khlaiñ khnang ba kin dang lah ban bteng ïa ka jingïakhih jong ki baf ba ki jingdawa jong ki baroh kin long kiba urlong bad seisoh.
Nalor ka JSU, ki la don ruh kiwei-kiwei ki seng kiba la wan ban khmih ïa kitei ki samla pule kiba kynthup naduh ka Khun Hynñiewtrep National Awakening Movement (KHNAM), ka KSU West Jaiñtia Hills, ka KSU NEIAH.
