Mawkyrwat, Naiwieng 11
Ka ding kaba klang bha ka la ïoh ban bam duh noh ïa kawei ka ïing kaba don ha ka shnong Mawjyrsim ha South West Khasi Hills District, ha kaba ki jingdon- jingem baroh ki la ingkhong khait.
Katkum ki tyllong khubor ba la ïoh lum, la ïathuh ba katei ka ïing kaba la shah bam duh ha ka ding ka dei jong ka Kong Banjalin Lyngdoh Marshillong kaba don ar ngut ki khun bad katei ka jingjia ka la jia ha ka 10 tarik u Naiwieng ha ka por kumba 10 baje eiei mynstep.
Shuh shuh ki tyllong khubor ba la ïoh lum na u Bah Khranly Nongrem, Myntri ka shong Mawjyrsim u la ïathuh ba ha ka por ba pluh katei ka ïing, ka don ruh ka jingbthei jong ka tyndong lyer shet (Cylinder) hynrei donbok ha katei ka por ym shym la don briew hajan ne hapoh katei ïing bad kam shym don kano-kano ka jingjia kaba sngewsih.
U Bah Nongrem u la ïathuh ruh ïa ka daw jong ka jingpluh katei ïing haduh mynta ym pat lah ban tip bad u la ïathuh ruh ba ka jingjulor baroh ka la kot sha ka T.1.40 lak eiei.
