Shillong, Naiwieng 11
Ka Meghalaya Co-operative Apex Bank Ltd. (MCAB) ka la ïoh khusnam balai (Third Prize) na ka bynta ka jingtrei kam jong ka ha kaba iadei bad u snem (Financial Year) 2023-24. Ka Bank ka la hap ban ai reng bad kiwei ki Bank ha ka Ri india ban ioh ïa kane ka khusnam na ka National Federation of State Cooperative Banks (NAFSCOB). Yn sam ïa ki khusnam ha New Delhi ha une u bnai. Ka Bank ka la ioh khusnam ruh da kaba long ba nyngkong bad ba-ar ha kajuh ka category ha ki snem 2021-22 bad 2020-21.
Ha kine ki palat sanphew snem ba ka Bank ka la shakri ïa ki briew ha ka jylla Meghjalaya, ka Bank ka la buh ïa ki tnat (branches) kylleng ka jylla bad ka don ruh ki elektronik bad digital banking kum ki ATM, mobile banking, Unified Payments Interface (UPI) bad kumta ter ter kiba ki paidbah ki lah ban pyndonkam. Ka Bank ka long kaba ioh nong (profit making) bad ka long ruh ka direct member jong ka Centralised Payment Systems bad ka don ïa u IFSC la u jong.
Ha u snem2019, ka Bank ka la poi sha ka thong ban ioh long ka Scheduled Bank ha kaba la kynthup ïa ka ha ka Second Schedule jong ka Reserve Bank of India Act, 1934.
