Shillong, Naiwieng 11
U Bah Kasterbok Kharbuli ba la 45 snem ka rta, uba dei u khun jong u (L) T Kharpran uba sah ha ka shnong Sohryngkham Mawkynroh, Shillong u la jah rngai na la ka ïingsah naduh ka 1 tarik mynta u bnai ha ka por kumba 8.30 mynstep.
U Bah Kasterbok Kharbuli, u don ka rynïeng kaba jrong 5 phut, ka durkhmat kaba lam ïong, kham heh met, ka durkhmat ba sawdong bad uba don jingpang ha ka bor pyrkhat-pyrdaiñ.
Ha ka por ba u la jah, la ïohi khatduh ba u phong da ka jaket rong jngum, ka patlun track suit rong ïong, u kup da ka tupia saiwul rong ktieh bad u phong da ki slipar rong lieh.
Ha ka kyrwoh khubor ba la pyllait da u Superintendent of Police jong ka East Khasi Hills District, Bah S Nongtnger, u la kyntu ïa kino-kino kiba ïohi ne don jingtip shaphang u Bah Kasterbok ba kin pyntip sha ki pulit ha ka Police Control Room: 6009196479, In-Charge (Sohryngkham Police Out Post): 0364-2547600 bad In-Charge Missing Desk ha u number 8837282114.
