Shillong, Naiwieng 13
U Myntri Sorkar Pdeng ba dei khmih ïa ka tnad Civil Aviation, u Rammohan Naidu Kinjarapu un wan jngoh ïa ka Jylla ha ka 14 bad 15 tarik Naiwieng, 2024 ban ïashim bynta ha ki jingïalang ba kongsan na bynta ki kam liengsuiñ ha ka thaiñ kum shi bynta ka jingwan jong u sha ka Jylla.
Ha ka 14 tarik, Naiwieng, u Myntri un plie paidbah ïa ka liengsuiñ kaba lah ban pynher na ki jaka shong um ha Pung Umïam, Ri-Bhoi District.
Hadien kane kan don ka jingïashim bynta jong u ha ka Helicopters & Small Aircraft Summit kaba 6 ha nongbah Shillong, kaba pynïaid da ka tnad Civil Aviation jong ka Sorkar Pdeng, Sorkar Jylla, ka Pawan Hans Ltd., bad FICCI.
Nalor kane, un ïashim bynta ha ka prokram jong ka Thaiñ Shatei Lam Mihngi ba la pynlong da ka tnad Development of North Eastern Region (DoNER).
Ha ka 15 tarik Naiwieng, u Kinjarapu un bteng ïa ki kam jong u da kaba ïashim bynta ha ka North East Aviation Summit kaba 2 bad ïashim bynta ha ki jingrakhe ‘Janjatiya Gaurav Divas’ ha State Central Library ha Shillong.
