Shillong, Naiwieng 15
Uwei u samla u la khlad noh hashen katba kawei pat ka la mynsaw jur hadien ba ka thuk-thuk kaba ki shong ka la ngat ha ka jingjia aksiden kaba la jia ha ka janmiet Sngi Thohdieng.
Katkum ki khubor ba la mih, la ong ba kane ka jingjia ka la jia ha surokbah hajan ICAR katba ka thuk-thuk kaba kine shijur ki shong ban leit sha ka tamasa ‘Cherry Blossom’ la kynnoh ba ka la shah tynrah ha kawei ka kali pulit synran.
La ong ruh ba ha kane ka jingjia, u samla uba ñiah ïa ka thuk-thuk u la khlad hashen katba ka samla pat ka la mynsaw jur. Ïa kine shijur la pynkit noh sha Holy Cross Hospital ha kaba ka samla ka dang don hapdeng ka jingsumar.
