Shillong, Naiwieng:
Ban rakhe ïa ka National Education Day, Ka Toyota Kirloskar Motor (TKM) ka la pyntikna ïa ka jingtrei ba radbah ban pyndap ïa ka jingduna ha ka liang jong ki sap lyngba ki sienjam treikam kiba don jingmut.
Da ka jingphai khmat kaba skhem ban pynkup bor ïa ki briew khamtam kito ki samla ba duna ha ka ïoh ka kot ha kylleng ka jylla Karnataka bad India, ki lad ai jinghikai ka TKM bad kumjuh ki jinghikai pyntbit ki la lah ban prat lynti ban aikam aijam, ban wanrah ka jinglah ban shaniah ha lade, bad noh synñiang ban kyntiew ïa ka jingkiew ha ki kam karkhana ha India.
U G. Shankara – Executive Vice President, Finance and Administration, Toyota Kirloskar Motor u ong, “Lyngba kine ki jingtrei, ngi thrang ban long ka bynta ba kyrpang ban pynurlong ïa ka thong jong ka Viksit Bharat-kata ban kyntiew ïa ka ri ha ki liang baroh ha kaba man la ka nongshong shnong kan im bha im miat.”
