Shillong, Naiwieng 17
U MLA ka Voice of the People Party (VPP) na North Shillong Konstiwensi, Bah Adelbert Nongrum um shym la poi sha ka jingïalang jong ka State Convention ba-ar kaba la long ha ka 16 tarik mynta u bnai ha phyllaw shlem treikam ka seng kaba don ha Lad Nongkrem ha kaba la ïadonlang ki nongïalam jong ka seng bad ki nongkitkam kiba mihkhmat na ki 36 tylli konstitwensi.
Na ki saw ngut ki MLA ka VPP, baroh lai ngut ki MLA ki la poi lut naduh u Bah Ardent M Basaiawmoit, MLA na Nongkrem, Bah Brightstarwell Marbaniang MLA na Mawlai, Bah Heavingstone Kharpran MLA na Mawryngkneng konstitwensi.
Ha kane ka State Convention la wan mihkhmat da ki nongkitkam na ki konstitwensi bapher bapher.
Katkum ki khubor ba la ïoh lum la ïathuh ba ka jingbym wan poi u Bah Adelbert Nongrum sha ka jingïalang ka VPP ka lah ban dei ba u dang phoi ïa ka State Election Committee ka VPP uba la dep pynpaw ha ki lad pathai khubor ïa ka jingbym hun namar ki khlem jied ïa ki kyrteng ba u la ai na ka bynta ka tiket MDC ha Jaiaw Konstitwensi.
Hato kane ka jingbym poi bad jah jong u Bah Adelbert Nongrum na ka jingïalang jong ka State Convention jong ka VPP, ka dei na ki daw bym lah kiar ne kan dei na ka jingbym sngewtynnad shuh jong u ban ïadon bynta?
Dang shen u la dep ban kren ruh sha ki lad pathai khubor ban pynpaw ka jingsngewdiaw bad kynnoh ba leh donbor ki Nongïalam VPP ha kaba ïadei bad ka tiket MDC, ha kaba kim shym la sngap ne jied ïa ka kyrteng kaba u la tyrwa hakhmat.
