Shillong Naiwieng 20
Ka Sorkar Jylla ka la thaw ïa ka Committee kaba don lai ngut ki dkhot na ka bynta ban khmih bniah ban pynbha ïa ka jingtreikam ka Meghalaya Public Service Commission (MPSC).
Ïa kane ka Committee la khlieh da u IAS ophisar Bah FR Kharkongor kum u Chairman bad ar ngut ki dkhot, u Bah Cyril VD Diengdoh bad Ambrose Ch Marak kum ki Member Secretary.
Kane ka Committee kan ai jingmut ha kiba bun ki bynta ki ban kham pynjanai ïa ka rukom treikam ka MPSC.
Ka jingthaw ïa ka Committee ka la wan hadien ba la mih ka kynrum kynram ha ka rukom pynlong eksamin rung kam bad na ka liang ka Committee kan shim ki sienjam ki ban wanrah shisha ka jjngpynthymmai ïa ka rukom treikam jong ka MPSC bad ka jingtreikam kaba kaba ai jingshaniah.
Lah ban pynkynmaw ba la mih ki kynrum kynram hapoh ka MPSC ha kaba ïadei bad ka iingpynlong ïa ka eksamin MCS.
