Nongstoiñ, Naiwieng 21
U District Magistrate ka West Khasi Hills u la pynjari da ka kyndon 163 BNSS 2023 kaba khang pyrshah ïa ka jingïaid jong ki kali heh kiba kit khia ha ka jingkieng kaba don hajan ka shnong Mawthaw.
Ha ka kyrwoh khubor ba la phah, la ong ba kane ka jingïaid jong kine ki kali heh ne trok kiba kitkhia ka wanrah ïa ka jingma ïa kiba ïaid ba ïeng bad kiba pyndonkam ïa kane ka jingkieng tad haduh ban da lah ban pyndep ïa ka jingkieng kaba thymmai.
Shuh shuh u District Magistrate u la ong ruh ba lada lap ïa kiba ïaleh pyrshah ïa katei ka hukum yn pynshitom katkum ka section 223BNS Act, 2023.
Ka kyrwoh khubor na u District Magistrate ka ong ruh ba kane ka hukum kan treikam noh mardor naduh ba la pynmih ïa kane ka jingpynbna.
