Shillong, Naiwieng 21
Ki runar bym lah ban tip ki dei kiei, ki la ïoh ban tuh ïa ki saw tylli ki bateri kiba shongdor haduh kumba T.80 hajar. Ïa kane ka kam tuh la dep ruh ban ujor sha ki pulit.
Katkum ka khubor ba la ïoh na ki pulit la ong ba u Joint Secretary ka Sorkar Jylla ba khmih ïa ka tnat IT & Communication Department bad u Member Secretary ka Meghalaya Information Technology Society, Meghalaya, la ujor ba ha ka 18 tarik mynta u bnai, ki runar bym lah ban ithuh ki la ïoh ban tuh saw tylli ki bateri kiba shongdor kumba T.80,000/- na ki ar tylli ki DG sets, kiba la pynthiah mar pyrshah bad ka Meghalaya Printing & Stationery, Shillong.
Ha kaba ïadei bad kane ka jingujor, na ka liang jong ki pulit ki dang pynlong ïa ka jingtohkit na ka bynta ban lap ïa ka jingshisha bad thwet ïa ki briew kiba donkti ha kane ka kam.
