Nongstoiñ, Naiwieng 26
U Bah Sranly Rongrin uwei na ki samla rangbah ka thaiñ Mawshynrut u la mih noh na ka National People’s Party (NPP) bad iehnoh noh ïa ka kam General Secretary jong ka NPP Mawshynrut Block.
U Bah Sranly u la ong, ba halor kane ka bynta u la dep ruh ban phah ïa ka shithi iehnoh kam sha u President jong ka NPP Mawshynrut Block.
Nalor kane, u la ong ruh ba ka jingiehnoh kam ka jong u kam shym la don kano-kano ka daw bad ka seng hynrei da ka mon sngewbha ka jong u hi.
U la ïathuh ruh ba kum uwei na ki samla rangbah uba la don bynta ruh ha ka imlang sahlang kum u nongïalam seng ha ki snem ba la leit, u la shim ïa ka rai ba ha kane ka kynti kaba mynta un mih shakhmat ban ïakhun ïa ka ilekshon MDC na ka seng ïa kaba ma u ha ryngkat lang ki paidbah nongkyrshan kin sa shim ïa ka rai.
