Resubelpara, Naiwieng 26
Ka ïingbishar Judicial Magistrate First Class na North Garo Hills ka la rai pynrem ïa uwei u runar, u Tapon R. Marak halor ka jingdonkti jong u ha kawei ka jingjia ban thombor pyrshah ïa kawei ka kynthei ha shuwa ban shah kem hadien ba la ujor mukotduma halor kane.
Katkum ki jingtip ba la ïoh, la pynngat mukotduma pyrshah ïa u Marak ha ka 20 tarik u Rymphang, 2019 namar ka jingkynnoh donkti ha ka mukotduma ha kaba u la thombor ïa kawei ka kynthei. Hadien kane la kem noh ïa u.
Ïa une uba shah kynnoh, la rai pynrem katkum ka kyndon 354/354B/323 jong ka IPC bad un shah set patok 5 snem (simple imprisonment). Ïa kane ka rai pynrem la pyndep ha ka 21 tarik u Naiwieng mynta u snem.
“Ka jingtrei shitom kaba khraw jong ki ophisar bad ki nongtrei ha ka jingïaid jong ka jingtohkit ka la ailad ne ïa u nongbishar ban ai ïa ka rai kaba ïahap pyrshah ïa u nongshah kynnoh namar ki kam runar jong u,” la pyntip ka kyrwoh khubor da ki pulit ka NGH.
