Shillong, Naiwieng 29
Dangshen hadien ka jing-sakhi ïa ki nongrwai-nong-tem ba pawnam ka pyrthei kiba la wan sha ka Jylla ban pynbyrngia da ki sur jingrwai ïa ki paidbah kiba ieid ïa ka put- ka tem kiba kynthup naduh u Calum Scott, Akon, Boney M, R3hab, Clean Bandit bad kiwei-kiwei, mynta sa shisien pat, ki paidbah ka Jylla kin sa sakhi sa ïa uwei pat u nongrwai ba pawnam ka pyrthei ïa uba la tip kyrteng kum u Ed Sheeran u ban sa wan sha ka nongbah Shillong ha ka 12 tarik u Rymphang 2025.
U Ed Sheeran u dei u nongrwai ba pawnam bha ha ka pyrthei bad u dei na ka Ri United of Kingdom (UK).
Une u nongrwai un sa wan ban rwai ha ki 6 tylli ki nongbah jong ka Ri India da kaba un sdang nyngkong na ka nongbah Pune ha ka 30 tarik u Kyllalyngkot 2025, ha Hyderabad ha ka 2 tarik u Rymphang, ha Chennai ha ka 5 tarik, ha Bengaluru ha ka 8 tarik, ha Shillong ha ka 12 tarik bad ha Delhi pat ha ka 15 tarik.
Kane kam dei ka sien nyngkong ba une nongrwai un wan sha ka Ri India. Ka jingwan biang jong u ha kane ka sien ka dei hadien ka jingkular ha kawei na lympung tem-put kaba la pynlong ha ka nongbah Mumbai ba ha u bnai Lber mynta u snem un sa wan biang sha India.
Ki jingrwai ba paw bha kiba u Ed Sheeran u la thaw bad rwai ki long ka ‘Thinking Out Loud’, ‘Shape Of You’, ‘Perfect’, ‘Photograph’ bad kiwei-kiwei.
