Jowai, Naiwieng 29
Uwei u koidi ne u Under Trial Prisoner (UTP) ka Jowai District Jail and Correctional Home u la khlad noh shuwa ban poi ha jaka sumar ha Jowai Civil Hospital Ïalong.
Une u koidi ba la khlad u dei ba la tip kyrteng kum u Tenkini Siangshai (32 snem ka rta) na Wapungskur, East Jaiñtia Hills District.
Kane ka jingjia ka la jia ha ka 28 tarik Naiwieng.
U Nidalut Siangshai, hynmen jong u, u la ïathuh ba ki la ïoh jingtip ba u Tenkini u la khlad ha ka por kumba 4:38 baje nohphai sngi ha ka 28 tarik Naiwieng ynda la poi ha Jowai Civil Hospital Ïalong.
La ïathuh ruh ba u Tenkini u la khlad shuwa ban poi jaka sumar.
Ki bahaïing u Tenkini ki la kyntu ïa ka bor jong ka aiñ ban tohkit bniah halor ka jingkhlad u Tenkini bad ban ïathuh shai ïa ka rukom ïap jong u.
Ki pulit ha ka 29 tarik Naiwieng ki la pyndep ïa ka jingdonkam jong ka aiñ bad ki la aiti ruh ïa ka met sha ki bahaïing.
