Shillong, Nohprah 03
Kawei ka trok kaba don ïa u registration number NL01-AG-0715 ka la jah rngai na ka jaka ba la pynïeng hadien ba u nongñiah u la pynïeng harud ban leit shim dawai.
Katkum ka khubor kaba la ïoh lum na ki pulit la ong ba u Balbindra Singh u la ai ka jingujor ba ha ka 28 tarik mynshem bnai, kata ha ka por kumba 10 baje mynmiet, ka trok kaba la pynïeng da u nongñiah ha ka shnong Byndihati ha East Jaiñtia Hills ki la jah rngai.
Haba ïathuh bniah halor kane ka jingjia ha ka jingujor ba la ai, u Balbindra Singh u la ong katba dang mih na Byrnihat ha Ri-Bhoi District ban leit sha Lumshnong Star Cement ha East Jaiñtia Hills, u Shohiz Uddin, uba dei u nongñiah jong katei ka trok u la kem pang bad kumta u la leit ban phah peit ne shim dawai, hadien ba u la pynïeng ïa ka trok ha Byndihati. Hynrei la ong ba ha ka step jong ka 29 tarik Naiwieng, 2024, la lap ba katei ka trok kaba la pynïeng kam don shuh ha katei ka jaka.
