Shillong, Nohprah 03
Ki shipai BSF kiba don ha khappud bad ka Bangladesh ha ki thaiñ Dangar ha East Khasi Hills District ki la ïoh ban kem noh ïa saw ngut ki nong India bad kurup ar trok ka shini ba thmu shalan beaiñ sha Bangladesh.
Kitei ar tylli ki trok kiba la shah bat ha ki BSF ki dei kiba don ïa u registration number ML12-3843 bad ML05-AD-3614, ïa kine ki kali la ïoh bat ryngkat bad ka shini kaba ki dang thmu rung sha khappud Bangladesh.
Ki BSF ki la ong ba ka shini ba la ïoh ban kurup na kine ar tylli ki trok ka dei kaba shongdor palat T.10 lak.
Na ka liang jong ki BSF hadien ba ki la pyndep ïa ki jingtohkit katkum ki kyndon ba ki lah ban leh, ki la aiti noh ïa kitei saw ngut ki briew bad ïa ki ar tylli ki trok ba kit shini sha ka tnat Custom kaba don ha Dangar jong ka East Khasi Hills District ban leh ïa kaba donkam.
