Shillong, Nohprah 06
Ka Dorbar Shnong Mission Compound kan pynlong ïa ka jingpynkhuid shnong hapoh ka shnong Mission Compound ha ka 14 tarik Nohprah, 2024 ka ban sdang naduh ka por 7 baje mynstep.
Kumta na ka bynta ban ïaid beit ïaid ryntih jong ka kam, kan don ka jingpyrkhing ha ka jingrung-jingmih jong ki kali saw, lai bad ar shaka lyngba ka shnong tad haduh ban da dep ka kam.
Na ka liang ka Dorbar Shnong ka kyrpad ruh ïa ki paidbah ba kin sngewbha ban ïaishah lem bad ka Dorbar Shnong tang shipor bad yn pyrshang ban pyndep kloi ïa ka kam na bynta ka jingbit-jingbiang lang jong baroh.
Kane ka long ka kyrwoh na u Secretary, Dorbar Shnong Mission, Shillong, Prof. Don Kupar War.
