Shillong, Nohprah 08
Ka Dorbar Shnong Mawlai Mawdatbaki ka la pyntip ba ka jingpynkhuid shnong kan sdang naduh ka 12 tarik haduh ka 21 tarik mynta u Nohprah.
Katkum ka khubor ba la pyllait da u General Secretary, Bah B. Kharkulia, la pyntip ba kan sdang ka jingpynkhuid shnong katkum ki Dong bad ki tarik harum naduh ka por 8 baje mynstep. Ka jingpynkhuid shnong kan sdang ha ka 12/12/2024 ha Mali -I, bud sa ha ka 16/12/2024 ha Nongpathaw, 17/12/2024 – Mali -II, 18/12/2024 – Umjan/Pdengshnong, 19/12/2024 – Mawapkhaw, bad 21/12/2024 – Mali -III/Pata.
Kumta la kyntu jur ïa ki nongshong shnong baroh ban ïa mih ryntih bad shimbynta shitrhem ban pynkhuid pynsuba ïa ka shnong ka thaw ha kitei ki sngi ba la pynbeit. La kyntu ruh ïa kito ki trai kiba sah sha kiwei ki shnong bad kiba don jaka hapoh u pud u sam jong ka Dorbar Shnong Mawdatbaki ba kin wan khnang khnang ban ïakynduh ïa ki nongkitkam jong ka shnong bad ban wan shimbynta lang ruh ha kane ka jingpynkhuid paidbah ïa ka shnong. La kyrpad ruh ïa ki nongleit nongwan ba kin ïaishah lem katba ka jingpynkhuid shnong ka dang ïaid shaphrang.
