Ha kti ki pulit ngat ar ngut ki nongkhaïi drok na Manipur

Kine ar ngut ki dei ba la tip kyrteng kum u Dontanglian (39 snem) bad ka Chingneilun (30 snem).

Shillong, Nohprah 12

Ki pulit jong ka East Khasi Hills ki la ïoh ban kem noh ïa ar ngut ki nongkhaïi drok kiba dei na ka Jylla Manipur bad na ka met jong ki, la ïoh ban kurup ïa u drok heroin uba khia kumba 106.06 gram.                                               

Ïa kine ki nongkhaïi drok la ïoh ban kem ha ka sngi Palei na Umphyrnai kaba hap hapoh ka thanat Madanrting. Kine ar ngut ki dei ba la tip kyrteng kum u Dontanglian (39 snem) bad ka Chingneilun (30 snem).

Ha ka jingtalasi, ki pulit ki la ïoh ban kurup ïa shiphew tylli ki synduk sabon kiba thep ïa u heroin uba khia 106.06 gram. Nalor u drok, ki pulit ki la kurup ruh ïa ar tylli ki mobile phone.