Kynthup ki kor na Yugoslavia kiba pyndonkam ban tei ïa ka MCCL la hap lilam noh mynta

Ïa ki kor bad ki tiar ki tar jong ka MCCL hap ban lilam noh bad ïa kane hap ban peit da ka Committee kaba la thaw da ka Sorkar.

Shillong, Nohprah 12

Ki kor bad ki tiar ki tar kiba pyndonkam ban tei ïa ka karkhana dewbilat jong ka Mawmluh Cherra Cements Limited (MCCL) ha Sohra mynta la hap ban lilam noh hadien ba la rai ban pynwai noh ïa ka kane ka karkhana kaba la don naduh ki snem 1960 ha ka por jong ka Sorkar Assam.        

Ka tyllong khubor ka ïathuh ba ki kor kiba dei jong ka plant barim ki kynthup lang ïa ki tiar ki tar kiba wanrah na Yugoslavia ban pynbit pynbiang ïa ka karkhana.

Ïa ki kor bad ki tiar ki tar jong ka MCCL hap ban lilam noh bad ïa kane hap ban peit da ka Committee kaba la thaw da ka Sorkar.

Kane ka karkhana kaba paw ha ka Jylla kaba pynmih dewbilat ha ki phew snem kiba la leit la hap ban khang noh namar bym don lad shuh da kumwei pat.

Ka por ban wai par mawshun ruh ka la kut bad ka MCCL kam don lad namar ka la dap ram shi rynjaiñ kaba kynthup ka jingsiew ïa ki nongtrei bad ram kaba hap ban pynkhuid da ka Sorkar.

Ka Sorkar kam lah shuh ban pynim biang ïa ka MCCL namar ka donkam ban bei palat T.190 klur. Hynrei ka Sorkar ka mad shibun ki jingeh namar ka hap pynbiang ki jingdonkam ïa ki nongtrei kumjuh ki jingdonkam na ka bynta ka karkhana.