Lah ban ïakhun hi saw ngut ki MLA ka UDP ïa ka ilekshon MDC

Ka jingslem ka UDP ban pynbna ïa ka thup ba nyngkong jong ki kyrtong ka lah ban dei ba ki nongkyrshan ki kwah ïa kine ki MLA kin ïakhun hi ïa ka ilekshon MDC.

Shillong, Nohprah 12

Ki saw ngut MLA ka UDP ki lah ban ïakhun hi noh ïa ka ilekshon MDC sha ka Khasi Hills Autonomous District Council (KHADC) ka ban sa pynbna noh shen da ka Sorkar Jylla.

Kine saw ngut ki kynthup ïa u MLA ka Ranikor Konstitwensi, Bah Pius Marweiñ uba dei u MDC ba mynta ka Langrin konstitwensi kaba hap ha South West Khasi Hills District.

U Bah Synshar Lyngdoh, MLA na Sohïong konstitwensi, Bah Matthew Beyondstar Kurbah MLA na Mawphlang konstitwensi, katba u Bah Olan Sing Suin u dang pynbeit bad ki nongkitkam la un ïakhun hi ne un aiti sha ki nongkitkam.

Ka jingslem ka UDP ban pynbna ïa ka thup ba nyngkong jong ki kyrtong ka lah ban dei ba ki nongkyrshan ki kwah ïa kine ki MLA kin ïakhun hi ïa ka ilekshon MDC.

Ki don ki konstitwensi kiba kim don kiba pan tiket hynrei ki don ki konstitwensi kiba pan tiket hynrei ki nongkyrshan ki kwah beit ban ïakhun hi ki MLA khnang ban suk ban jop ïa ka ilekshon MDC.

Ka UDP ka dei ka seng kaba don ha ka Sorkar Jylla bad kaba ïatreilang bad ka NPP, katba ha KHADC ba la ïalam da ka NPP pat ka shong ha ka Liang Pyrshah.