
U Soitan u long u kpa jong ka jingjot, u kpa ka jingsniew, u kpa kiba buaid kiad, buaid dih drok, bad kiba buaid niam. U soitan u long uba pnah ktien bad uba proh jabieng bad uba shemphang haba ïa dei bad ki briew bad um ju kren khor ïa ki briew. Hynrei u kren da ki ktien bajem jai jai bad u khroh u kjor da ki buit pynsngewbha bad pynsngewtynnad kumba u la khroh ïa ka Im ka kynthei ba pawnam jong ka niam khristan. Bad kaba long ka kmie jong kiba im baroh. U soitan u long uba sian haduh katta katta bad u la ong, ha ka im. Shisha ka long kumta ba u Blei u la ong, phin ym bam na u dieng baroh ha ka kper. Bad ka Im ka la ong na u soitan, na u soh ban bam. Hynrei na u soh jong uta u dieng ka jingtip phim dei ban bam na u lane ktah ïa u ïoh phin ïap. U soh u dei u drok keiñ uba u Blei u la khang bad mana ban ym bam ïa u. Namar u drok u long u soh ksuid jait khrei kiba don hangne ha sla pyrthei. U soitan u long paralok lut ïa baroh ïa kynthei ne shynrang. U soitan u long u nongpynshoi uba khraw tam ha sla pyrthei. U soitan u kham tur hajan sha kito kiba long lui lui ha ka jingim. Dei kane ki ong ba u soitan u long u kpa jong baroh ki jingsniew. C. B. Iawphniaw