“Ka Elaka Laitkroh Sirdarship, East Khasi Hills District, Meghalaya kaba don ha ka lynti na Shillong sha Sohra, ka long ruh ka shnong kaba lah don nam bad paw shynna bha wat ha ka Google Map bad ha ka por ba dang im lei u bah Roblin Nongkynrih uba la pynioh headquarter ïa ka Laitkroh Constituency ha ka MDC election bad u da jop don burom ruh nangne bad u la long kum u Chief Executive Member hapoh ka KHADC, bad mynta ïa kane ka kyrteng Laitkroh Constituency la shu pynsnohbah rakep ha ka shnong Lyngkyrdem bad la tip noh mynta kum ka Lyngkyrdem-Laitkroh Constituency. La shai kdar ruh ba ka Laitkroh ka long tang kum khun pongka rangli haduh mynta. Hynrei ka Laitkroh ka la long ka shnong kaba heh bha kaba naduh hyndai hynthai bad u khlieh nongsynshar ïa baroh kawei ka Elaka dei u Sirdarship, bad hapoh jong u la don 4 (saw) ngut ki Matabor lane kita ki Deputy Chief kiba khmih ïa ki saw kyntoit kata kum ïa ka Mawjrong, Mawmyrsiang, Laitkynsew bad Nong-thymmai bad hapoh kine ki Matabor (Kyntoit) la don ruh bun ki shnat shnong bad la khmih da ki Rangbah Shnong bapher bapher ba la jied da ka durbar bad ki don ruh kum ki Executive Durbar ne Durbar Pyllun, Executive Committee jong ki Kyntoit bad ki Executive Committee jong ka shnong ne dong. Hangne ha Elaka Laitkroh kum ka nuksa, ka la don ruh kum ka office sorkar kum ka (1) All India Radio Transmitter Station (2) Laitkroh Community & Rural Development Block (3) Kasturba Gandhi National Weaving Centre established 14.02.1955 kaba dang trei kam haduh mynta) (3) Catholic Parish, (4) St. Peter’s H.S. School bad kiwei ki School jong ka bad ka (5) School Ram Krishna Mission, (6) Govt. School, (7) Presbyterian Secondary School, (8) Peniel English School, (9) National-Cum-Regional Security Training Centre, (10) Ki Hotel (Home Stay), (12) ki Resort bapher bapher, (13) Ka ïew Elaka ha Mawjrong (Diengkynthong) (14) Church ne ïing Mane Balang bapher bapher ki lah roi stet wat haduh kiba lah nang lah stad ha ka pule dangle kat kum ka (literacy report) ki lah kiew shaphrang bad ka Mawjrong ka long ka main junction ban shim kali nangne ban leit sha Sohra, Khatar Shnong bad shawei shawei ki shnong bad shibun kiwei kiwei pat ym lah ban jer lut hangne. Hynrei ki thylliej pynkhyllew arsap jong ki nongmih khmat (flattery toungues of representatives) ki ju ong ba ka Elaka Laitkroh ka lah biang lut na lade hi bad ka kiew stet bha ha baroh ki liang. (Advance Development). Te hangno kata ka jingroi ba shisha jong ka mo ? to kum ka nuksa (1) Wat ka wah Umiew ba khot Umiam Mawphlang ka wah kaba dei lang bad ka Elaka Laitkroh, hangno ka kyrteng Laitkroh ka paw bad wat tang kum ka Sub-Divisional office PHE ruh kam don ha Laitkroh bad haba donkam ban complain shaphang bym thikna ka um ruh ngi hap ban book kali bad pynlut na pla la jong ban leit ïa kynduh ïa ki officer PHE shaduh Mawphlang, lem kumta kok khai shong khop, bad haduh mynta ruh ym shym la sam um bam um dih ia ka Laitkroh nangthie na catchment (Dam). Baroh shi katta la ju pynioh um ïa ka Laitkroh da kaba shu den ïa ka phud um shnong ba jakhlia khlem da pynkhuid bha (With No proper treatment plant) la katta ruh ka bym ju thikna tang kumba ar ne lai sien ha ka shitaïew kata ruh tang jingjang ka lah kut bad don ki por ka bym thikna da ki taïew bad bnai kam mih. katba naduh ka shnong Mawphlang ter ter sha duh baroh kawei ka nongbah Shillong lyngba ka Greater Shillong Water Supply Scheme la pynioh um pahuh ha man la ki iing (house connection /distribution) na kathie ka catchment da kaba den kata kum ka first stage, second stage third stage bad haduh katno stages kan den um, tang ka Govt. of Meghalaya lyngba ka PHE Deptt. ki tip. Nalor kata ka umbah umsan jong ka catchment area ka lah khlong jem ïa ki khyndew ki shyiap duh lut ki khlaw thohdieng, phlang na bynta ki jingri bad lum rep lyngkha jong ki lum Laitkroh pynban ki nong Laitkroh haduh mynta ki khlem ioh jingmyntoi kum ka um bam na kane ka catchment haduh mynta bad ki nongshong shnong bad kitei ki shnat trei kam ha neng kim banse ban shu thied rem ia ka um bam um dih bad ban sait jain sait nep na ki kali private ba wan die um hapoh shnong lait noh tang ha ka por ‘lapbah lapsan. ïano ngin ud bad iano ngin bud, ka Laitkroh ka don ka kmie kata ka Meghalaya Government hynrei ka long pat kum khun pongka (khun khlem kpa), la bun ruh kiba la wan ak kpa naduh ba ioh jylla la ka jong haduh mynta la bun sa tang ki kpa tynnied khlem bsa kiba ym lap dien shuh wat da leh da ka DNA test ruh, kata kiba long thik kum ki ‘niang jiarum ne kita ki ‘niang helicopter kiba ju ong shu wieh jrup jrup ha jaka ba lang um bad tang dep pat lah her iap raimaw raidieng khlem da pyni syrngiew shuh kata naduh ki MP, MLA, MDC etc etc, namar kitei ki nongmih khmat nongmih khmut la ju shem man ki por haba ki iohi lei ba ki nongsynshar shnong Laitkroh ki long kiba dang duna jingnang jingstad, tang katta ki la shim kabu da kaba khyrwat jem jai da ki nia jadu myntor ramia thame suda (la kum u ‘khar pynshad shrieh u ju ong ïa u shrieh haba pynshad ” Tu nach meri jaan tum ko paisa milega) tang ban pynang lyngngoh pynshoh tyndep ïa ki kat haduh la shu pynngat beit ha shrip buit tuh kheiñ myntoi tang ïa lade, bun kiba wan na ki long iing jong ki dur bapher bapher (Various Political Figures) bad haduh mynta kine baroh ki kylla long tang ki nongkhap ribon na ka por sha ka por haba don functions hapoh ka Elaka Laitkroh bad por canvassing Election, wat sngew phylla ïa kane namar ngi biang lut ki record haduh mynta, ba ym pat ju don u wei ruh u nongmih khmat u ban sngew nguh ïa ka Laitkroh ba ngi la pynjop don burom ia phi. Bad kata ka Scheme ramia jong ka Jal Jivan Mission jong u Prime Minister ka Ri India u Marangbah Narendra Modi badon burom ruh ka lah jah rngai sha ei ym lap dien jat shuh, lada ngi la pyrshang wad jingtip ruh kam myntoi, namar la pyni bad pynthame sa tang da bun bah ki daw lum ki daw wah ki daw ïing ki daw sem namar ba lah thynrei kata ka long kha long man u bah politik bad ka kong party bad hapdeng ki kur jong ki (2) Hangne ha Elaka Laitkroh haduh mynta ym don kano kano ka Hospital ne kata ka Government Medical Health Centre ne Dispensary, ki ban ai jingshakri ïa u paidbah bad ki paidbah kim banse ban shu thied dawai kuli na dukan shnong bad shaniah tylli tyllan ha ki Clinic jong ki private Doctor bad da kaba ïaid sharum shaneng la ka bah khun rit ha met jiw jiw jaw jaw bad wad lad jngai bah ban leit na shnong sha ki shnong kiba don hospital, wat la duk ne riew-spah ruh ym banse tang ban pynim ïa ki mynsiem ba kordor jong ki. (3) Ki surok na lad Laitkynsew shaduh Mawmyrsiang, Sohkhit bad shaduh Tiewlieh lei yn nai ïa kren da ki bun phew snem khlem rong la siang tang da ki mawthup da shong kali long kumba shong hed kulai ?????? ba dei tang ki kali sorkar kiba lah ban ïaid namar lada duh ruh khuslai lei ka shu pynlut beit na ka pla jong ka department. Hynrei ki kali jong ki riew shimet te ki hap ban da pyrkhat bunsien kumno kin rai shuwa ban ïaid sha kitei ki surok jukmaw. Mano keiñ ban ïarap pynleh DNA Test lem ïa ka Laitkroh ban pynïakynduh noh kloi ïa u kpa trai uba dei hok u ban ri ban sumar bad ban shimti noh ha lade ïa la ki jong ki khun.”
Mr. A. Z. Sohtun
Laitkroh

