Ka jaidbynriew jongngi ka la shah thombor naduh ba la wan thombor u Phareng ha ka por u Syiem Tirot Sing. Ngim lah ban ïaleh pyrshah ïa ka jingthombor u dohlieh ban pynkylla niam lut ïa ki briew ka pyrthei bad ban synshar donbor. Ki la jop thma ruh ïa ka Ri Khasi jongngi bad ki la lah ruh ban pynkylla niam ïa kiba bun kiba tlot bor pyrkhat bad bor jingngeit bad kiba ngeit biej. Ynda u la pynkylla niam ula sdang kumno ban ioh ban pynïar ïa ka jingpynkylla niam ïa ngi ki Khasi da kaba ai kam ai jam da kaba plie ki Hospital ki skul niam ba pynïaid ka balang. Nalor kane ruh ka shongkha shong-man ruh ka dei kawei na ki kabu ksiar kaba ka balang ka ioh ban phrung khlieh ban pynkylla niam ïa ngi ki Khasi. U ïaleh ban pynkylla ïa ka rukom ai jait/shim jait noh sha u Kpa hynrei ïa kane u khlem da jop pura namar bun kim treh bud ban ai jait noh sha u kpa kum ki phareng. Hynrei ki don ki riew rangbah kiba ai jait kpa ba bud ïa u phareng. Bun bah ki Khasi ki kylla khristan tang na ka daw ba ym don jaka tep ynda la khlad noh na kane ka pyrthei.Namar ka jingduk bun ki shnong mynshuwa ki long kumta khamtam ha ki jaka nongkyndong. Kawei ka pyrthei kawei ka niam kwah u phareng. Hooid ngi la kiew la roi mynta dei na ka jinghikai u phareng hynrei ka durtur ka riti la bam kruin. Ka pyrkhat Khasi ka la troin ka pyrkhat phareng ka la ïong. Mynta la synshar ka dustur phareng hapoh ri Khasi baieit jongngi. Namar la bun bah kiba la ïa bud ïa ka niam khristan ba wanrah u phareng. Bun ki shnong ka ri Khasi kiba la duh jait bad ba dang bat ïa ka niam Khasi trai ri. La bun pateng da tang ki Khasi – Khristan.
C. B. Iawphniaw
