
Jowai, Nohprah 15
Kum shibynta ban pyndonburom ïa u bnai jong ka jingwan longbriew u Jisu Khrist, Nongpynim sha ka pyrthei, ka Jaiñtia Hills Development Soc- iety (JHDS) ryngkat ka jingkyrshan ka KHU- BLEI Germany sa shisien pat ki la pynlong ïa ka jingrakhe Khrismas lane Advance Christmas bad ki khynnah kiba wan na ka longïing baduk.
Ïa ka jinglehkmen la pynlong ha phyllaw jong ka Samanlang Pastoral Center, Bishop’s House, Lumbihsyntu Mihmyntdu ha ka 14 tarik u Nohprah, ba la pynïaid da u Ma Francis Langlein Field Programme Associate ka JHDS ryngkat ka jingïadonlang u Fr. Manbha Pakem Director ka JHDS, u Fr. Simeon Sungoh, GB Member ka JHDS, u Ma Denis Kurkalang, Coordinator ka JHDS bad kiwei de ki nongtrei ka JHDS.
Ha kane ka jinglehkmen la shim bynta da 161 ngut ki khynnah ryngkat bad ki kmie ki kpa bad la sam ruh ïa ki jingai sngewbha Khristmas sha baroh ki khynnah da kitei ar tylli ki seng trei mon sngewbha.
Lah ban kdew ba ka Jaiñtia Hills Development Society ryngkat bad ka KHUBLEI Germany ki la ïarap sngewbha ïa ki 161 ngut khynnah kiba duna ka ïoh ka kot da kaba pynlut pynsep bad pynshong skul ïa ki naduh klas 1 haduh klas XII.
Ïa kane ka lad jingïarap la sdang naduh u snem 2020 bad la nang ïai bteng haduh kine ki sngi.
La pynphuh-pynphieng shuh shuh ïa kane ka sngi da ki jingrwai bad jingshad ba la shim bynta na katto-katne ki khynnah.