Shim bishar ka National Lok Adalat haduh 868 tylli ki mukotduma

Na kine, 159 tylli ki mukotduma la pynbeit bad pynkut noh da kaba ai pisa T.1.43 klur.

Shillong, Nohprah 15

Ka National Lok Adalat kaba la pynlong da ka Meghalaya State Legal Services Authority (MSLSA) ka la shim bishar haduh 868 tylli ki mukotduma ha baroh ki district ka Jylla ha ka sngi Saitjaiñ.

Napdeng ki 868 tylli ki mukotduma, 517 tylli ki dei ki Pre-Litigation Case bad 351 tylli ki dei mukotduma  sahteng. Na kine, 159 tylli ki mukotduma la pynbeit bad pynkut noh da kaba ai pisa T.1.43 klur.

Ïa kane ka National Lok Adalat la pynlong hapoh ka jingkhmih jong u Chief Justice ka Meghalaya High Court u IP Mukerji uba dei ruh u Patron-in-Chief, MSLSA ha ka jingdon lang u Justice HS Thangkhiew kum Executive Chairman ka MSLSA.