Shillong, Nohprah 16
Ka Dorbar Shnong Mawkhar ryngkat ka jingïatreilang bad ka Seng Kynthei Mawkhar Welfare Organisation, ka Seng Samla Mawkhar, ka Mawkhar Sports Club kan pynlong ïa ka jingpynkhuid shnong ha ka 18 tarik Nohprah, 2024 naduh ka por 7.30 mynstep haduh 12.30 mynsngi.
Ka Dorbar Shnong Mawkhar ka kyntu ïa baroh ki paid nongshong shnong, ki nongshong dukan jong ka Synod Complex, ki nongshong dukan hapoh ka dong Mawkhar, ki nongñiah kali taksi/auto kiba hap hapoh u pud u sam jong ka Mawkhar Dorbar Shnong ba kin ïamih ryntih ha katei ka sngi ba kin pynkhuid bad ñiad pushara bad ai rong ïa ki grill da kaba rah la u jong synsar, brut, ka shun bad ka rong na ka bynta ka sngi bad ka por kaba la kdew haneng.
